O alumnado de cuarto tivo a sorte de poder participar no obradoiro de Pilabot sobre a reciclaxe dos distintos tipos de pilas e acumuladores. Foi unha actividade moi interesante e tamén moi divertida. Seguimos aprendendo e traballando para coidar o noso planeta!
Este é o único carballo que medrou a partir das sementes que plantamos. Daniela encargarase de buscarlle un lugar no que poida medrar e desenvolverse ata ser moi, moi grande.
FRACCIONES PROPIAS OU IMPROPIAS
Segunda charla do programa Revitaliza, neste caso aprendemos a coñecer os bechiños que viven no compost.
A través da canle do Día Mundial da Radio (https://es.unesco.org/commemorations/worldradioday) participamos na celebración deste día para concienciar a todos da importancia da radio. Este ano celébrase coa temática "Confianza no xornalismo radiofónico". A partir deste tema e, colaborando con Radio Espora e outros centros escolares galegos, gravamos unhas noticias falsas e uns consellos sobre como detectalas.
Coa elaboración de noticias falsas queremos concienciar da necesidade de que os xornalistas e os medios respecten as normas básicas dun xornalismo ético. Que se dean noticias certas e verificables, e que se faga polo ben de todos, cun fin de interese público, que esixa responsabilidades aos poderosos e que axude a sociedade a construir un futuro mellor para todos.
Aquí tedes o programa: O inicio é moi interesante, e tamén as aportacións dos outros coles (un pouquiño antes do minuto 11 empeza a nosa participación).
Con motivo do 11 de febreiro, Día da Muller e a Nena na Ciencia e coa intención de levar a ciencia ás aulas, Faro da Escola invitounos a participar a través de Zoom das charlas das científicas do CSIC Cristina Álvarez (da Unidade de Tecnoloxía Mariña) e Lara García (do Instituto de Investigacións Mariñas). Ambas falaron sobre a súa traxectoria, explicaron en que consiste o seu traballo e compartiron fotos e vídeos moi interesantes sobre o mesmo. Ademais os rapaces tiveron ocasión de preguntarlles as súas dubidas e curiosidades.
Pinchando na foto podedes ir ao Blog da Biblioteca de Seara e ver os retos científicos que Searín nos propón polo Día Mundial da Radio e o Día Internacional da Muller e a Nena na Ciencia.
